ციმბირში, ქალაქ ირკუტსკში, რუსული სამხედრო თვითმფრინავი ორსართულიან საცხოვრებელ კორპუსს შეეჯახა. მედიის ინფორმაციით, თვითმფრინავის ჩამოვარდნის შემდეგ ხანძარი გაჩნდა. ავიაკატასტროფას ორი პილოტი ემსხვერპლა.

ოლქის საგანგებო სიტუაციების სამინისტროს ცნობით, „სუ-30" საცდელი ფრენის დროს ჩამოვარდა. გაჩენილმა ხანძარმა 200 კვადრატულ მეტრამდე ფართობი მოიცვა.

საგანგებო სიტუაციების სამინისტროს ცნობით, სახლში, რომელსაც თვითმფრინავი დაეცა, ადამიანები არ იყვნენ.

მსგავსი შემთხვევა რუსეთში რამდენიმე დღის წინაც მოხდა - კრასნოდარის მხარეში, საცხოვრებელ კორპუსებთან მომხდარი ავიაკატასტროფის შედეგად, 13 ადამიანი დაიღუპა.