საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ჯოზეფ ბორელის ინფორმაციით, პრაღაში გამართულ შეხვედრაზე, ევროკავშირის საგარეო საქმეთა მინისტრები რუსეთთან ვიზის გამარტივებაზე დადებული შეთანხმების შეჩერებაზ შეთანხმდნენ.

აღნიშნული გადაწყვეტილება რუსეთის მოქალაქეებს ევროკავშირის საზღვრის კვეთას გაურთულებს და გაუძვირებს.

“ვხედავთ საზღვრის კვეთის მნიშვნელოვან ზრდას რუსეთიდან მის მეზობელ ქვეყნებში. ეს უსაფრთხოების კუთხით რისკის შემცველი გახდა. ამიტომ, დღეს ევროკავშირის საგარეო საქმეთა მინისტრები შევთანხმდით სრულად შეჩერდეს ვიზების გამარტივებაზე ევროკავშირსა და რუსეთს შორის დადებული შეთანხმება”, - წერს ბორელი "ტვიტერზე".