საია საქართველოს მთავრობის წინააღმდეგ - ორგანიზაცია სენაკის საკრებულოს უფლებამოსილების შეწყვეტასთან დაკავშირებით დავას იწყებს. როგორც ახალგაზრდა იურისტებში აცხადებენ, სენაკის მუნიციპალიტეტის საკრებულო დღეის მდგომარეობით ზედიზედ ექვსი თვის განმავლობაში არ შეკრებილა, კანონმდებლობის თანახმად კი ეს რიგგარეშე არჩევნების ჩატარების საფუძველს წარმოადგენს.

თბილისის საქალაქო და სააპელაციო სასამართლოებმა, იმ მიზეზით, რომ სენაკის საკრებულოს უფლებამოსილების შეწყვეტის შესახებ საქართველოს მთავრობას არ აქვს მიღებული დადგენილება, სარჩელი არ დააკმაყოფილა.