მას შემდეგ, რაც ოპოზიცია ბოიკოტში ერთიანი აღარ არის და ამასთან, სამი პარტიის აკრძალვის საფრთხეც რეალურად დადგა, თავად პარტიებშიც დაიწყეს ფიქრი ბრძოლის გაგრძელების გზებზე. ნაწილი გამოსავალს გაერთიანებაში ხედავს, ნაწილს კი მიაჩნია, რომ ყველა საშუალება უნდა იქნას გამოყენებული.

საქართველო-ჩინეთის ეკონომიკური ურთიერთობების გაძლიერება და სტრატეგიული პარტნიორობის გაღრმავება - ამ გზავნილებით საქართველოს პრემიერ-მინისტრი ირაკლი კობახიძე ჩინეთის საერთაშორისო იმპორტის გამოფენის გახსნაზე ვრცელი სიტყვით გამოვიდა. რამდენად იზრდება ჩინეთთან დაახლოების პერსპექტივა და რა მიმართულებით შეიძლება განვითარდეს თანამშრომლობა - ამაზე ქართველ ექსპერტებს განსხვავებული შეფასებები აქვთ.

აცივებასთან ერთად, ბუნებრივი აირის უსაფრთხოების საკითხი გააქტიურდა. მართალია, წინა წლებისგან განსხვავებით, გაზის გაჟონვის ფაქტებმა იკლო, თუმცა რისკი მაინც დიდია. განსაკუთრებით ეს ეხება გაქირავებულ ბინებს, რომლის მობინადრეებიც ყველაზე მეტად არიან საფრთხეში, ამიტომ მნიშვნელოვანია შესაბამისი ზომების მიღება და უსაფრთხოება ბუნებრივ აირთან მიმართებით.

უკრაინის აღმოსავლეთით, პოკროვსკის მიმართულებაზე ბრძოლები მწვავდება -მოსკოვი ალყაზე საუბრობს, კიევი კი უარყოფს. ექსპერტები ამბობენ, რომ ფრონტის ამ მონაკვეთზე ვითარება შესაძლოა დონბასის ბრძოლისათვის გადამწყვეტ ნაწილად იქცეს, რა ვითარებაა ადგილზე და რა ინფორმაციები ვრცელდება ფრონტის ხაზიდან?

ევროკომისიის გაფართოების ანგარიშს თბილისში კვლავ აქტიურად განიხილავენ. ხელისუფლება ისევ კრიტიკულადაა განწყობილი ევრობიუროკრატიისადმი და ამტკიცებს, რომ ევროკავშირისკენ სვლა არ შეუჩერებია. ოპოზიცია კი ფიქრობს, რომ ამას ბრიუსელიდან ნაბიჯები მოჰყვება და პირველი ეს შესაძლოა ვიზალიბერალიზაციას შეეხოს.

ევროკავშრის 2025 წლის გაფართოების ანგარიში საქართველოსადმი უკიდურესად კრიტიკულია. ბრიუსელში მიიჩნევენ, რომ საქართველო მხოლოდ ფორმალურად ინარჩუნებს ევროკავშირის წევრობის კანდიდატის სტატუსს. ამის საპირისპიროდ საქართველოს ხელისუფლება აცხადებს, რომ ევროპა საქართველოსთან ურთიერთობაში „ქედმაღლურ ტონს" ინარჩუნებს. ანალიტიკოსების შეფასებით კი, თბილისსა და ბრიუსელს შორის ურთიერთობების მორიგ გამწვავებას ჯერჯერობით კონკრეტული გადაწყვეტილებები არ მოყვება და ეს არც ქვეყნის შიდაპოლიტიკურ სიტუაციაზე იმოქმედებს.

საკონსტიტუციო სასამართლომ 3 პოლიტიკური პარტიის - ენმ-ის, „კოალიცია ცვლილებებისთვის" და „ლელოს" საქმიანობის კონსტიტუციურობისა და აკრძალვის საკითხზე პარლამენტის 88 წევრის კონსტიტუციური სარჩელი გამოაქვეყნა. ასევე გაირკვა სარჩელთან დაკავშირებული ზოგიერთი ტექნიკური დეტალი. ოპოზიციაში აცხადებენ, რომ პარტიების აკრძალვის განხილვა დაევალა მოსამართლეს, რომელიც წარსულში თავად იყო დაკავშირებული ენმ-სთან.

პარლამენტის წინ „კოალიცია ცვლილებებისთვის" ერთ-ერთი ლიდერის, გედევან ფოფხაძისა და რამდენიმე აქტივისტის შიმშილობა მე-8 დღეა გრძელდება. ისინი ახალ არჩევნებსა და პოლიტპატიმრების გათავისუფლებას ითხოვენ. მმართველ პარტიაში მიიჩნევენ, რომ ფოფხაძე ამ აქციით ცდილობს „თავი შეახსენოს" საზოგადოებას. ანალიტიკოსები კი ფიქრობენ, რომ შიმშლობის აქცია ჯერჯერობით ვერანაირ გავლენას ვერ ახდენს პოლიტიკურ პროცესებზე.

ყოფილი პრეზიდენტი მიხეილ სააკაშვილი მის წინააღმდეგ კამპანიაში ყოფილ თანამოაზრეებს - პალიკო კუბლაშვილსა და ნიკა გილაურს ადანაშაულებს. მისი ცნობით, კუბლაშვილი, 2014 წლიდან მოყოლებული ახალისებდა ენმ-ის ფაქტობრივ დაშლას, გილაური კი თავისი ფინანსური რესურსების გამოყენებით ხელს უშლიდა ოპოზიციური პარტიების გაერთიანებას და მედია სივრცეში სააკაშვილის სახელის ხსენებას.

გასული წლის 28 ნოემბრიდან ქვეყანაში უწყვეტი აქციები მიდის, რომლის თავდაპირველი მოთხოვნააა ახალი საპარლამენტო არჩევნები და ქვეყნის ევროინტეგრაციისკენ შეუფერხებლად სვლა. ამ დრომდე "ოცნებას" ახალ არჩევნებზე საუბარიც კი არარეალურად ეჩვენება და არც იმ კანონების გაუქმებას აპირებს, რაც ევროკომისიამ ერთი წლის წინ 9 რეკომენდაციაში მოაქცია.

საქართველოსთან დაკავშირებით ევროკავშირის გაფართოების შესახებ ანგარიში 4 ნოემბერს გამოქვეყნდება - თბილისში ამ დოკუმენტს განსხავავებულად უყურებენ, ხელისუფლება ამბობს, რომ ბრიუსელიდან სამართლიანი მიდგომის იმედი მინიმალურამდეა დაყვანილი, ხოლო ოპოზიციაში საუბრობენ, რომ ქვეყანა პოლიტიკური იზოლაციისკენ მიექანება და ვიზალიბერალიზაციის მომავალიც კითხვის ნიშნის ქვეშ დგება.

საქართველოს ეროვნულ ბანკს ინფლაციის მართვის სადავები ხელიდან გაექცა და როგორც ჩანს, მის მართვას კიდევ დიდხანს ვერ შეძლებს. სებ-მა უკვე გაზარდა 2025 წლის ინფლაციის საშუალო მაჩვენებლი და გაისადაც ფასების უფრო მეტად ზრდას ვარაუდობს, ვიდრე აქამდე პროგნოზირებდა. ვითარება უკვე ძალიან დამაფიქრებელია. მონეტარული პოლიტიკის კომიტეტის გადაწყვეტილებიდან გამომდინარე, ეკონომისტების ნაწილი მიიჩნევს, რომ ქვეყნის ცენტრალური ბანკი, კონსტიტუციით გაწერილ მისსავე უფლებას - მართოს ინფლაცია - ვერ ასრულებს. 

2026 წლის იანვრიდან, 70 წლამდე პირთა პენსია - 20 ლარით, ხოლო 70 წლისა და მეტი ასაკის პენსიონერთა პენსია - 45 ლარით გაიზრდება. 70 წლამდე პირთა პენსია 370 ლარს, ხოლო 70 წლის და მეტი ასაკის პენსიონერთა პენსია - 495 ლარს მიაღწევს. პენსია მაღალმთიან დასახლებებში 70 წლამდე - 444 ლარს, ხოლო 70 წლის და მეტი ასაკის პენსიონერთათვის 594 ლარს გაუტოლდება. სპეციალისტები აზრით, კარგი იქნება, თუ ნომინალური პენსია 20 ლარის ნაცვლად, 35 ლარით გაიზრდება, ხელისუფლების წარმომადგენლები კი ამას ციფრებით მანიპულირებას უწოდებენ. 

კრიპტოვალუტის ცენტრების მხრიდან ელექტროენერგიის ჭარბი მოხმარება ენერგოსექტორს და მთლიანად ქვეყნის ეკონომიკას საფრთხეს უქმნის. იმის გამო, რომ კრიპტოვალუტის გამომუშავება დიდ ელექტროენერგიას მოითხოვს, ხოლო სექტორი გადასახადისგან თავისუფალია, ენერგოსისტემა შეიძლება გამოუვალ სიტუაციაში აღმოჩნდეს. კოლოსალურ მოგებაზე გასული ბიზნესს ეკონომიკისთვის, ფაქტობრივად, არანაირი სარგებელი არ მოაქვს და არაფერს იხდის ბიუჯეტში, რაც ცალკე პრობლემაა.

მოსწავლეებს, ვისაც სურთ საზღვარგარეთ სწავლის გაგრძელება და 12-წლიანი სკოლის დამთავრება, სახელმწიფო დააფინანსებს. ცალსახაა, რომ ასეთი ალტერნატივა კარგია, მათთვის ვინც თავისი ცოდნის გაღრმავებას ევროპის ქვეყნებში ფიქრობს. რაც შეეხება სასაწავლო ბარიერის დაწევას, სფეროს სპეციალისტები ფიქრობენ, რომ 11 კლასის შემოღება შრომით ბაზარს გამოაცოცხლებს და ახალგაზრდების დროულ დასაქმებას ხელს შეუწყობს. ნაწილი კი ამ დამოკიდებულებას სკეპტიკურად უყურებს და ფიქრობს, რომ არ შეიძლება განათლების რეფორმა ბიზნესის საჭიროებებზე დაიგეგმოს. 

ბოლო პერიოდში არაერთი ეკონომიკური ტიპის დანაშაული გამოვლინდა, რაც კორუფციის სერიოზულ ეჭვებს აჩენს. ცალკე პრობლემაა ტენდერით გათვალისწინებული პირობების შეუსრულებლობა, როცა პროექტების დიდი ნაწილი ან უხარისხოდ სრულდება ან ზოგიერთ შემთხვევაში,  სულ არ შენდება და ტენდერში გამარჯვებულები თანხებს არაკეთილსინდისიერი გზით ითვისებენ. ბოლო პერიოდში ბევრი ასეთი ფაქტი ამოტივტივდა. პრობლემას ხედავს მთავრობაც, შესაბამისად, აქტიურად დაიწყო მუშაობა, რათა მახინჯი ფორმა როგორმე შეიცვალოს და აღმოიფხვრას კორუფცია, ვინაიდან არსებული მეთოდი არ მუშაობს.

სიღნაღის მუნიციპალიტეტში ცხელ კვალზე დაკავებულ 43 წლის ზ.ზ.-ს შესაძლოა უვადო პატიმრობა მიუსაჯონ. გამოძიების თანახმად, მან შურისძიების მოტივით სანადირო თოფით ჯერ მეგობარი მამაკაცი თ.ღ. მოკლა, შემდეგ კი ყოფილი ცოლი ნ.კ. დაჭრა, რომელიც ახლა სიცოცხლისთვის იბრძვის.

ლიეტუვის უსაფრთხოების მნიშვნელოვანი ეტაპი: Rheinmetall-მა ჩვენს ქვეყანაში საარტილერიო საბრძოლო მასალის მწარმოებელი ქარხნის მშენებლობა დაიწყო, - ამის შესახებ აღნიშნულია განცხადებაში, რომელსაც ლიეტუვის თავდაცვის სამინისტრო სოციალურ პლატფორმა X-ზე ავრცელებს.

ბელგიის ჩრდილო-აღმოსავლეთით მდებარე ნატოს კლაინე ბროგელის საჰაერო ბაზის მახლობლად უცნობი დრონები დააფიქსირეს. მედიის ინფორმაციით, ადგილობრივმა მაცხოვრებლებმა საჰაერო ბაზის მახლობლად სულ მცირე ექვსი უპილოტო საფრენი აპარატი შენიშნეს.