რეზონანსი
19.11.2026

საწვავზე ფასნამატები მინიმალურ ზღვარზეა, მიუხედავად იმისა, რომ ფასები მაღალია და ეს შეიძლება ჩვენი მოქალაქეებისთვის მტკივნეულია, - ამის შესახებ კონკურენციისა და მომხმარებლის დაცვის სააგენტოს თავმჯდომარემ, ირაკლი ლექვინაძემ ჟურნალისტებთან განაცხადა.

მისივე თქმით, ფასები საერთაშორისო ბაზრებთან კორელაციას აბსოლუტურად ასახავს.

"ბუნებრივია, ჩვენ ვაკვირდებით კომპანიების ფასნამატებს, ვაკვირდებით მათ კორელაციას იმპორტის თვითღირებულებასთან. ამ ეტაპზე თამამად შემიძლია გითხრათ, რომ ფასნამატები მინიმალურ ზღვარზეა, მიუხედავად იმისა, რომ ფასები მაღალია და ეს შეიძლება ჩვენი მოქალაქეებისთვის მტკივნეულია. შემიძლია გითხრათ, რომ ამ სფეროში, ამ ეტაპზე, ის ფასები აბსოლუტურად ასახავს საერთაშორისო ბაზრებთან კორელაციას, რაც წარმოდგენილია მსოფლიო ბაზარზე არსებულ ვითარებასთან. იმედი გვაქვს, რომ ეს არაპროგნოზირებადი გარემო მალე იქნება უფრო ცხადი იმისთვის, რომ უფრო მეტად შეძლონ კომპანიებმა მეტი ალტერნატივის განხილვა მიწოდების ჯაჭვების კუთხით," - განაცხადა ლექვინაძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2026 by Resonance ltd. . All rights reserved
×