შუა დერეფნის გაძლიერება, მილიარდიანი სავაჭრო ბრუნვა, ენერგეტიკული უსაფრთხოება და ახალი ერთობლივი ინფრასტრუქტურული პროექტები - ეს ის ძირითადი საკითხებია, რომლებზეც თბილისში საქართველოსა და აზერბაიჯანის მთავრობების მეთაურებმა იმსჯელეს. ალი ასადოვი სამთავრობო დელეგაციასთან ერთად საქართველოს სტუმრობს. ირაკლი კობახიძესთან პირისპირ შეხვედრის მთავარი გზავნილი სტრატეგიული პარტნიორობის გაღრმავება და ეკონომიკური კავშირების გაფართოება იყო.