ოპოზიციური პარტიების წარმომადგენლები თბილისში გამართული საპროტესტო აქციებისა და პარიზში მიმდინარე მოვლენების შედარებას უსაფუძვლოს უწოდებენ და უარყოფენ მმართველი გუნდის ბრალდებებს, ორმაგი სტანდარტების შესახებ.
პარტია "ერთიანი ნაციონალური მოძრაობის" მმართველი საბჭოს თავმჯდომარე, ირაკლი ფავლენიშვილი ამბობს, რომ საქართველოში გამართულ აქციებსა და საფრანგეთში მიმდინარე მოვლენებს შორის მსგავსება არ არის.
"არ ვიცი, როგორ შეიძლება რაციონალური ადამიანი პარალელს ავლებდეს იმაზე, რაც ხდება პარიზში და იმაზე, რაც ხდებოდა თბილისში. არანაირი ასეთი რაღაცა ძალადობა არ ყოფილა საქართველოში მშვიდობიანი პროტესტანტების მხრიდან და არანაირი მსგავსება არ არსებობს ამ პროტესტს შორის" - აღნიშნა ირაკლი ფავლენიშვილმა.
პარტიის "გახარია საქართველოსთვის" აღმასრულებელი მდივანი, ბერდია სიჭინავა ამბობს, რომ თბილისის აქციები და პარიზში მიმდინარე მოვლენების შედარება არარელევანტურია.
"შევადაროთ ის აქციები ამ აქციებს, ფუნდამენტურად არ შეიძლება. შესაბამისად ამაზე ორმაგ სტანდარტზე საუბარიც ზედმეტია. ფუნდამენტურად მშვიდობიანი აქცია იყო, ცალკეული გამოვლინებები შეიძლება იყო ძალადობრივი, რა თქმა უნდა", - ამბობს ბერდია სიჭინავა.