თურქეთის პრეზიდენტმა, რეჯეფ თაიფ ერდოღანმა რუსეთის პრეზიდენტ ვლადიმერ პუტინთან სატელეფონო საუბრისას შავ ზღვაზე შექმნილი ვითარება განიხილა. ამის შესახებ თურქეთის პრეზიდენტის აპარატი ავრცელებს ინფორმაციას.

განცხადებაში აღნიშნულია, რომ  ლიდერებმა ორმხრივი ურთიერთობები, ასევე რეგიონული და გლობალური საკითხები განიხილეს.

რეჯეფ თაიფ ერდოღანმა ხაზი გაუსვა შავ ზღვაში ნავიგაციის უსაფრთხოების უზრუნველყოფისკენ მიმართული ძალისხმევის მნიშვნელობას. მისივე თქმით, თურქეთი ყოველთვის მზადაა, რუსეთსა და უკრაინას შორის პირდაპირი კონტაქტის დამყარების მცდელობებს შეუერთდეს.

ცნობისთვის, შავ ზღვაში, ბულგარეთის ეკონომიკურ ზონაში დრონებმა ორ სავაჭრო გემზე იერიში მიიტანეს.