2025 წლის დასრულებასთან ერთად, ანალიტიკოსები „რეზონანსთან“ წლის მთავარ პოლიტიკურ მოვლენებს აფასებენ, რამდენიმე მნიშვნელოვან და დასამახსოვრებელ ფაქტს გამოყოფენ და ყურადღებას შიდა და გარე გამოწვევებზე ამახვილებენ. მათი აზრით, 2025-ში შესაძლოა გარდამტეხი არაფერი მომხდარა, თუმცა საინტერესო პოლიტიკური წელი ნამდვილად იყო.

რუსები ამტკიცებენ, რომ 28 დეკემბერს, პრაქტიკულად აშშ-ისა და უკრაინის პრეზიდენტების შეხვედრა დასრულებისთანავე, უკრაინელებმა ნოვგოროდში, რუსეთის პრეზიდენტ ვლადიმირ პუტინის რეზიდენციაზე დრონებით თავდასხმა სცადეს. რუსი ოფიციალური პირებიც განცხადებით, ამ ინციდენტის გამო გადაიხედება და შეიცვლება რუსეთის პოზიციები სამშვიდობო მოლაპარაკებებზე. ასევე, საპასუხო დარტყმისთვის ემზადებიან.

ელექტროენერგიის გაძვირებასთან დაკავშირებით ვითარება მოულოდნელად შეიცვალა და ტარიფი უცვლელად შენარჩუნდა. მორიგი მსჯელობა დენის გადასახადთან დაკავშირებით 3 თვის შემდეგ შედგება, უმცა ნაკლებად სავარაუდოა, თუნდაც 100 დღის შემდეგ ვინმემ ტარიფის გაძვირება იკისროს. რაც შეეხება ბუნებრივ აირს, მისი ღირებულება ერთი წლის განმავლობაში უცვლელი დარჩება.

აშშ-მა ვენესუელაში ხმელეთზე დარტყმა პირველად განახორციელა. პრეზიდენტ დონალდ ტრამპის განცხადებით, სამიზნე სანაპირო ბაზა იყო, რომელსაც ნარკოტიკების ჩასატვირთად იყენებდნენ. სხვადასხვა გავლენიანი გამოცემები ამ ნაბიჯს ვაშინგტონის მხრიდან მადუროს ხელისუფლებაზე ზეწოლის ახალ, უფრო აგრესიულ ფაზად აღიქვამენ და რეგიონში დაძაბულობის ზრდაზე მიანიშნებენ.

ცოტა ხნის წინ, ამერიკის შეერთებულმა შტატებმა განაცხადა, რომ ჩინეთის თაივანის რეგიონს 11 105 მილიარდი დოლარის ღირებულების მოწინავე იარაღს მიჰყიდის და „გააგრძელებს (ჩინეთის) თაივანის (რეგიონის) დახმარებას საკმარისი თავდაცვის შესაძლებლობების შენარჩუნებაში, ძლიერი შემაკავებელი ძალის სწრაფად განვითარებაში და ასიმეტრიული ომის უპირატესობების გამოყენებაში, რითაც შეინარჩუნებს რეგიონულ მშვიდობასა და სტაბილურობას“. ჩინეთი ამას მტკიცედ ეწინააღმდეგება, უკვე მიიღო და მომავალშიც გააგრძელებს გადამწყვეტი საპასუხო ზომების მიღებას ერთი ჩინეთის პრინციპის, ეროვნული სუვერენიტეტისა და ტერიტორიული მთლიანობის დასაცავად.

პრემიერს, ირაკლი კობახიძეს იმედი აქვს, რომ უვიზო რეჟიმთან დაკავშირებით ევროპა პრაგმატულ გადაწყვეტილებას მიიღებს. ის ფიქრობს, რომ შანტაჟის ამ ფორმამ ძალა დაკარგა. ანალიტიკოსები კი „რეზონანსთან" არ გამორიცხავენ, რომ ევროკავშირმა შეზღუდვა ეტაპობრივად აამოქმედოს.

ლევან ჯანგველაძის მკვლელობის საქმეზე გამოძიება ახალ ეტაპზე გადავიდა - ყოფილ მთავარ პროკურორს, ოთარ ფარცხალაძეს, შეკვეთით მკვლელობის ორგანიზებაში ადანაშაულებენ, ოპოზიცია პროცესს კლანურ დაპირისპირებად აფასებს, ხოლო ხელისუფლება აცხადებს, რომ საქმე სრულად გახსნილია.

საქართველოს ხელისუფლება „ბი-ბი-სის" საგამოძიებო ფილმთან დაკავშირებით სარჩელზე მუშაობას აგრძელებს. ამის პარალელურად კი ბრიტანულმა ტელეკომპანიამ ფილმი რუსულად თარგმნა და ინტრენეტში განათავსა. ანალიტიკოსთა ნაწილი ფიქრობს, რომ ეს მიზანმიმართულად მოხდა ამ საკითხთან დაკავშირებით „ბი-ბი-სის" მიდგომას აჩვენებს. ხოლო რატომ ჭიანურდება „ოცნების" მხრიდან სარჩელის მომზადება და ზოგადად, რა პერსპექტივა აქვს ამ სარჩელს, ამაზე ანალიტიკოსებს განსხვავებული მოსაზრებები აქვთ.

გიორგი გახარიას გუნდი ექსპრეზიდენტ სალომე ზურაბიშვილს ისევ აკრიტიკებს და 4 ოქტომბრის მოვლენებზე პოლიტიკურ პასუხისმგებლობის აღებას სთხოვს. მათი შეფასებით, ამ მოვლენებში ზურაბიშვილი „სეირის მაყურებლის" როლში იყო, ხოლო აქციის უშუალო ორგანიზატორებმა კი ქვეყანაშ მშვიდობიანი პროტესტის დისკრედიტაცია მოახდინეს

დასავლეთთან ურთიერთობებში მზარდი დაძაბულობის ფონზე, ხელისუფლება „სტრატეგიულ მოთმინებაზე" საუბრობს და 2026 წელს შესაძლო გარდატეხის წლად ასახელებს, თუმცა ანალიტიკოსების შეფასებით, ეს ოპტიმიზმი რეალურ პოლიტიკურ წინაპირობებს მოკლებულია და ურთიერთობების გაუმჯობესებაზე მოლოდინი, პირიქით, სკეპტიციზმს იწვევს.

ქვეყანაში მიმდინარე პროცესებს ანალიტიკოსი ზაალ ანჯაფარიძე „რეზონანსთან" აფასებს და არ გამორიცხავს, რომ 4 ოქტომბრის მოვლენებზე კიდევ დაიჭირონ ხალხი. ასევე აღნიშნავს, რომ ოპოზიციაში არავითარი საინტერესო პროცესები არ მიდის.

სურსათის ფასების პარალელურად, მთავრობა, სავარაუდოდ, მედიკამენტების ფასების კონტოლსაც დაიწყებს. მართალია, ფარმაცევტულ ინდუსტრიაში ფასების კლების ტენდენციაზე საუბრობენ, თუმცა მომხმარებლებს საპირისპირო მოსაზრება აქვთ, რასაც სპეციალისტებიც იზიარებენ და აცხადებენ, რომ თითქმის არც ერთი მოთხოვნადი მედიკამენტი არ გაიაფებულა. ამიტომ მკაცრი კონტროლი აუცილებელია, თუმცა მანამდე მნიშვნელოვანია ბაზრის კვლევის ჩატარება, რაც რეალურ სურათს შექმნის.

კატასტროფულად გაზრდილი ფასების გამო წინასაახალწლოდ მომხმარებლების დიდი ნაწილისთვის პროდუქტები ძნელად ხელმისაწვდომია. მოქალაქეები უკმაყოფილებას გამოთქვამენ, დადებითი განწყობა არც გამყიდველებს აქვთ, რომელთა ინფორმაციითაც შარშანდელთან შედარებით, ნაკლები აქტიურობაა. საუბარი არ არის მხოლოდ იმპორტულ პროდუქტზე, ადგილობრივ  სურსათზეც ფასები საგრძნობლად გაზრდილია. შეიძლება ითქვას, რომ  ასეთი ძვირი საახალწლო სუფრა არასდროს ყოფილა. 

ზამთრის ტურიზმი აქტუალურობას არ კარგავს. სეზონი ოფიციალურად რამდენიმე დღეში გაიხსნება. კურორტები კი უკვე სრული დატვირთვით მუშაობენ. თითქმის ყველგნ დამსვენებლების დიდი აქტიურობაა. ტურისტებს მოწესრიგებული სათხილამურო ტრასები და გარემო ხვდებათ, მაგრამ როგორც სექტორის წარმომადგენლები ამბობენ, ინფრასტრუქტურული პრობლემა წელსაც გამოწვევაა. რაც შეეხება მოთხოვნას, როგორც ადგილობრივი დამსვენებლების, ასევე უცხოელი მოქალაქეების მხრიდან მზარდია. მთავარია თოვლი მოვიდეს, რასაც სეზონის გახსნასთან ერთად მოელიან. 

საქართველოს მთავრობის დადგენილებით, შენობა-ნაგებობების ესთეტიკური მახასიათებლების დადგენის წესი დამტკიცდა, სადაც გარკვევით წერია, რომ ეს წესი არ მოქმედებს თბილისის მუნიციპალიტეტზე, „კულტურული მემკვიდრეობის შესახებ“ საქართველოს კანონით განსაზღვრულ კულტურული მემკვიდრეობის დამცავ ზონებსა და საკულტო ნაგებობებზე. ამ დადგენილების გამო, ექსპერტთა აზრი ორად გაიყო: ნაწილი თვლის, რომ ამ გადაწყვეტილებით დაშტამპულ შენობებს და ერთნაირ ფასადებს მივიღებთ, ისეთსავე უსახურს, როგორიც საბჭოთა კავშირის დროს იყო, მეორე ნაწილი კი - აცხადებს, რომ მთავრობამ დააგვიანა კიდეც ამ დადგენილების მიღება, რადგან აუცილებელია შენობის ფასადები გარკვეულ სტანდარტს აკმაყოფილებდეს.  

„ქართული ოცნება" „ალტ-ინფოს" და ოპოზიციურ ჯგუფებს უპირისპირდება და „იგლ ჰილსის" წინააღმდეგ კამპანიას ეკონომიკურ დივერსიას უწოდებს. მმართველ პარტიაში ამბობენ, რომ აღნიშნული ჯგუფები სიცრუეს და დეზინფორმაციას მიზანმიმართულად ავრცელებენ მათ შორის ხელოვნური ინტელექტით გენერირებული ყალბი ვიდეოებით, რაც არის საზოგადოების შეცდომაში შეყვანის მცდელობა.

ჩინეთის მასშტაბური წვრთნები ტაივანის გარშემო და მოსალოდნელი დაძაბულობა

ჩინეთის სამხედრო ძალებმა ტაივანის გარშემო წვრთნებისთვის -„სამართლიანობის მისია 2025" - არმიის, საზღვაო ძალების, საჰაერო ძალების და არტილერიის დანაყოფები გადაისროლეს, - ინფორმაციას როიტერსი ავრცელებს.

აშშ-ის პრეზიდენტ დონალდ ტრამპსა და უკრაინის პრეზიდენტ ვოლოდიმირ ზელენსკის შორის მარ-ა-ლაგოში გამართული შეხვედრას მხარეები ომის დასრულების პროცესში ერთ-ერთ გადამწყვეტ ეტაპად აფასებენ - უკრაინული მხარე აცხადებს, რომ მათ 20-პუნქტიან სამშვიდობო გეგმაზე დაახლოებით 90%-იანი შეთანხმება მიღწეულია, აშშ-ს პრეზიდენტი კი უკრაინაში ჩასვლისთვისაც მზადაა, თუმცა, ტერიტორიული საკითხები კვლავ ყველაზე რთულ ბარიერად რჩება.