ოპოზიციაში ამბობენ, რომ „ოცნება" ნეიტრალური სტატუსის გამოცხადებისთვის ემზადება და ამისთვის არ გამორიცხავენ, რომ ახალი ვადამდელი საპარლამენტო არჩევნები ჩანიშნოს, რეფერენდუმთან ერთად, და საკონსტიტუციო უმრავლესობის მოპოვების შემდგომ, 78-ე მუხლი ამოიღოს კონსტიტუციიდან.

პოლიტილოგ იგორ კვესელავას მიჩნია, რომ ოპოზიციის წამყვან ფიგურებს ყავლი გაუვიდათ და უკვე არ ძალუძთ პოლიტიკური ბრძოლის სათანადო რეჟიმში წარმართვა. ფიქრობს, რომ ახალი ლიდერები აუცილებლად გამოჩნდებიან და ერთ-ერთ ასეთად ბიძინა ივანიშვილის ყოფილ ადვოკატ ვიქტორ ყიფიანს თვლის. „შეიძლება ეს იყოს სწორედ ის ახალი ძალა, რომელსაც ველოდით - ცეცხლი უკვე დანთებულია და მთავარია ხანძარში არ გადაიზარდოს," - აცხადებს პოლიტოლოგი.

ქართველი მძღოლებისა და სატრანსპორტო საშუალებებისთვის რუსეთში ახალი შეზღუდვა ამოქმედდა. კერძოდ, აქამდე მოქმედი 180 დღის ნაცვლად, მძღოლებს რუსეთის ტერიტორიაზე ყოფნის ვადად 90 დღე განესაზღვრათ. სპეციალისტების მტკიცებით, ეს დრო მძღოლებისთვის საკმარისი არ არის. სავარაუდოდ, ახალი რეგულაციის შედეგად, ქართველი მძღოლები და სატრანსპორტო საშუალებები, რუსეთის მოქალაქე მძღოლებით, ასევე - რუსული სატრანსპორტო საშუალებებით ჩანაცვლდებიან. თავის მხრივ, ეს ექსპორტ-იმპორტსაც გააძვირებს და სურსათსაც. 

აშშ-ს მიერ უკრაინისთვის „ტომაჰავკების" გადაცემა ისევ მსოფლიო ყურადღების ეპიცენტრშია. კრემლის მოკავშირე ბელარუსის ლიდერი ბირთვული ომის საფრთხეზე საუბრობს და აშშ-ს მოუწოდებს, უკრაინას რაკეტები არ გადასცეს. ოფიციალური კიევი ამ ნაბიჯს ომის დასასრულის დასაწყისად მიიჩნევს, იმედოვნებს, რომ დამატებითი შეიარაღება კრემლზე ზეწოლას გაზრდის.

„ოცნება" ათამდე პარტიის აკრძალვას აპირებს, რისთვისაც სარჩელსაც ამზადებს და უახლოეს დღეებში სიის გასაჯაროებასაც აანონსებს. პარალელურად, პარლამენტში დაჩქარებული წესით მუშაობენ ცვლილებებზე, რომელიც ფაქტობრივად პოლიტიკურად უფუნქციოდ ტოვებს საკონსტიტუციო სასამართლოს მიერ აკრძალულ პარტიების წევრებს და მათთან დაახლოებულ პირებს.

ვენეციის კომისიამ საქართველოს მთავრობის მიერ ინიცირებული ე.წ. „უცხოური გავლენის", „გრანტების შესახებ", „მაუწყებლობის" და „პოლიტიკური გაერთიანებების შესახებ" კანონები მკაცრად გააკრიტიკა და მათი გაუქმება რეკომენდაციად დაასახელა. მმართველ გუნდში კომისიის დასკვნას პოლიტიკურ გადაწყვეტილებად აფასებენ და აცხადებენ, რომ ვენეციის კომისიას „გამბედაობა არ ეყო", ამერიკის ფარა-ც გაეკრიტიკებინა. ოპოზიციის შეფასებით კი ასეთი კანონების შემთხვევაში განსხვავებული დასკვნის დაწერა უბრალოდ შეუძლებელი იყო.

პარლამენტის თავმჯდომარე შალვა პაპუაშვილმა ბრიფინგზე 4 ოქტომბრის მოვლენებზე ისაუბრა და განაცხადა, რომ აქციის ორგანიზატორების გეგმა, გამოეწვიათ არეულობა, ჩავარდა. მან ეუთოს თავმჯდომარე მკვეთრად გააკრიტიკა და ახალ რეგულაციებზეც გაამახვილა ყურადღება.

კრემლი საქართველოსთვის კომპენსაციის გადახდაზე კვლავ უარს აცხადებს და ამბობს, რომ ადამიანის უფლებათა ევროპული სასამართლოს გადაწყვეტილებას არ შეასრულებს. ერთის მხრივ ის 2022 წლის მარტიდან ევროპული საბჭოდანაა გარიცხული სამხედრო აგრესიის გამო, თუმცა, მეორეს მხრივ ანალიტიკოსები ამბობენ, რომ არც ე.წ. ურთიერთობის დათბობის კუთხით გადაიხდის დაკისრებულ მილიონებს, რადგან ეს ავტომატურად ნიშნავს აღიაროს, რომ დამნაშავეა.

პარლამენტმა 80-ხმით ერთხმად, პირველი მოსმენით, მხარი დაუჭირა საკანონმდებლო პაკეტს, რომლის გათვალისწინებით, კონკრეტულ პირებს პარტიული საქმიანობა, პოლიტიკური თანამდებობის დაკავების უფლება და არჩევნებში მონაწილეობა აეკრძალებათ. ოპოზიცია ხელისუფლებას ავტორიტარიზმში ადანაშაულებს, მმართველი გუნდი კი აცხადებს, რომ კანონპროექტი საქართველოს კონსტიტუციისა და საერთაშორისო პრაქტიკის შესაბამისად ქვეყნის ინტერესებს იცავს.

პარლამენტის წინ მიმიდინარე პროტესტზე მისვლა გახდა ის ძირითადი მიზეზი, რის გამოც პრემიერმა ირაკლი კობახიძემ ეუთო-ს მოქმედ თავმჯდომარესთან ელინა ვალტონენთან დაგეგმილი შეხვედრა გააუქმა. მთავრობის განცხადებით, ფინეთის საგარეო საქმეთა მინისტრმა "ცრუ განცხადებები" გააკეთა და "კანონსაწინააღმდეგო მიტინგში" მიიღო მონაწილეობა.

„ოცნება" აქცია-მანიფესტაციებთან დაკავშირებულ კანონებს ამკაცრებს და ახლა უკვე დადგენილი წესების დარღვევა სისხლის სამართლის წესითაც იქნება დასჯადი. ოპოზიციაში აცხადებენ, რომ დაგეგმილი ცვლილებები აქციის მონაწილეებში შიშის დანერგვას და პროტესტის ჩახშობას ისახავს მიზნად. მმართველ პარტიაში კი პირდაპირ ამბობენ, რომ გამკაცრებული ჯარიმები ბოლომდე ეფექტიანი არ იყო და თუ ადამიანების რაოდენობა არაა საკმარისი ქუჩის გადასაკეტად, ეს აღარ უნდა მოხდეს.

ხელისუფლებას მკაფიო გეგმა აქვს, რომლის მიხედვითაც ელექტროენერგიის მიწოდების თვალსაზრისით, საქართველო თვითკმარი ქვეყანა უნდა გახდეს, ხოლო შავი ზღვის წყალქვეშა კაბელის პროექტის ამოქმედების შემდეგ ქვეყანა ციფრულ ცენტრად უნდა გადაიქცეს. პრემიერ-მინისტრის შეფასებით, ენერგეტიკის სექტორში უზარმაზარი პერსპექტივა არსებობს, ძირითადად, ჰიდრო, ქარისა და მზის ენერგიის გამომუშავების მიმართულებით. ენერგეტიკოსებს პრემიერის გეგმის სჯერათ, თუმცა ხაზს უსვამენ, რომ ამის მიღწევა მხოლოდ მნიშვნელოვანი ჰიდროენერგეტიკული პროექტების განხორციელების შემთხვევაში იქნება შესაძლებელი.

დაპირება არ შესრულდა და პური თვითნებურად გაძვირდა. ეს მაშინ, როცა ბოლო პერიოდის განმავლობაში ფქვილის ფასი ადგილობრივ ბაზარზე თითქმის შენარჩუნებულია და  არც მოსავლის მიმართულებით იკვეთება პრობლემა, რამაც თითქოსდა პურის ფასის შენარჩუნების  შესაძლებლობა შექმნა, მაგრამ 15 ოქტომბრიდან, სამომხმარებლო ბაზარზე ფასი მაინც გაიზარდა. 

საკანონმდებლო ორგანოში დაჩქარებული წესით განიხილავენ კანონპროექტს, რომელიც ფინანსურ და ეკონომიკურ დანაშაულებზე მსჯავრდებულებს საქართველოს დატოვებას უზღუდავს, ქვეყნიდან გასვლას კი 16 წლით უკრძალავს. ბოლო პერიოდში ამ მხრივ დანაშაულის მასშტაბებმა საგრძნობლად მოიმატა. მასთან ბრძოლის მთავარ იარაღად ხელისუფლებამ კანონის გამკაცრება მიიჩნია.

გლობალური შიმშილის ინდექსის მიხედვით საქართველოს მაჩვენებლები გაუმჯობესებულია. კვლევის თანახმად, 100%-იანი შეფასებითი კრიტერიუმით ჩვენი ინდექსი 5%-ზე დაბალია, რაც საუკეთესო მაჩვენებელია. ამ დროს სრულიად რადიკალურია ადგილობრივი სტატისტიკური მონაცემები, რომლითაც დგინდება, რომ საქართველოში ყოველი მესამე ადამიანი თავს ღარიბად თვლის, ხოლო ყოველი მეხუთე შემწეობას იღებს. საინტერესოა, რას ემყარება ეს ურთიერთგამომრიცხავი სტატისტიკა,  რატომ არის ისინი ერთმანეთს აცდენილი?

მსოფლიო ვალი მატულობს. მოსალოდნელია, რომ იგი მშპ 100%-ს გადააჭარბებს, რამაც შეიძლება დიდი კოლაფსი გამოიწვიოს. რაც უფრო გადაიწევს ვალებზე ჩამოკიდებული ეკონომიკის დრო და რაც უფრო მოგვიანებით დადგება მისი უზრუნველყოფის საკითხი, მით უარესი იქნება რიგი ქვეყნებისთვის. ვითარებიდან გამომდინარე აუცილებელია ვალებზე აგებული ეკონომიკის სპეციფიკა შეიცვალოს. წინააღმდეგ შემთხვევაში, პროცესს შეიძლება მსოფლიო ფინანსური სისტემის ჩამოშლა მოჰყვეს. რასაც დომინოს პრინციპი ექნება. 

გურამ შარაძე 17 ოქტომბერს 85 წლის გახდებოდა... ამ დღეს საქართველოს მეცნიერებათა ეროვნულ აკადემიაში მისი ხსოვნისადმი მიძღვნილი საღამო გაიმართება. არადა, ბატონი გურამი „ხულიგნობისთვისაც" რამდენჯერმე იყო დაპატიმრებული...

რუსეთის ვიცე-პრემიერი, ალექსანდრ ნოვაკი უარყოფს აშშ-ის პრეზიდენტის, დონალდ ტრამპის განცხადებას იმასთან დაკავშირებით, რომ ბენზინის დეფიციტი მიანიშნებს, რომ რუსეთის ეკონომიკა კოლაფსს უახლოვდება. ნოვაკის მტკიცებით, რუსეთში ბენზინის შიდა ბაზარზე სტაბილური მიწოდებაა.

პოლონეთის საგარეო საქმეთა მინისტრის, რადოსლავ სიკორსკის განცხადებით, ევროპა რუსეთის მხრიდან რეგიონის ტერიტორიის სიღრმეში დარტყმებისთვის მზად უნდა იყოს. სიკორსკიმ ევროპულ ქვეყნებს მოუწოდა, შეინარჩუნონ კურსი უკრაინის მხარდაჭერის საკითხში და იმედი გამოთქვა, რომ აშშ-ის პრეზიდენტი, დონალდ ტრამპი უკრაინას შორ მანძილზე მოქმედ Tomahawk-ის რაკეტებს გადასცემს რუსეთის ინფრასტრუქტურაზე თავდასხმების გასაძლიერებლად.