ოპოზიცია იმუქრება, რომ თუკი „ქართული ოცნება" „უცხოური გავლენის აგენტების" კანონს მიიღებს, დასავლელ პარტნიორებს მიმართავენ თხოვნით, რომ სანქციები დაუწესონ ყველა იმ დეპუტატსა და მათ ოჯახის წევრებს, ვინც კენჭისყრის დროს ამ კანონს მხარი დაუჭირა. ანალიტიკოს კახა გოგოლაშვილს ეს საეჭვოდ მიაჩნია, თუმცა, როგორც მან „რეზონანსს" განუცხადა, სავარაუდოდ უნდა ველოდოთ ამ ქართველი პარლამენტარების იზოლირებას საერთაშორისო ურთიერთობებიდან და ეს ასევე აისახება საქართველოს მიმართ ევროკავშირის დამოკიდებულებაზე, მათ შორის შეიძლება გაუქმდეს ევროკავშირის ქვეყნებში უვიზო მიმოსვლა.