გორში, ცხინვალის გზატკეცილზე მანქანა ქვეითს დაეჯახა. შემთხვევა წმინდაწყლის უბანში მოხდა. ავტოსაგზაო შემთხვევის შედეგად ქალი დაშავდა. ექიმების შეფასებით, დაშავებულის მდგომარეობა სტაბილურია და მის სიცოცხლეს საფრთხე არ ემუქრება.

ცოტა ხნის წინ  კი ავტომობილი ქვეითს დაეჯახა ქუთაისში, აღმაშენებლის გამზირზე. "ინფო იმერეთის" ცნობით, მამაკაცს თავის ტრავმა აღენიშნებოდა. დაშავებული სასწრაფო სამედიცინო დახმარების ჯგუფმა საავადმყოფოში გადაიყვანა.

ორივე ფაქტზე დაწყებულია გამოძიება.