ბერი ნი­კო­ლოზ (ნა­რი­მა­ნი) მა­ქა­რაშ­ვი­ლი სა­ცხოვ­რე­ბელ სახ­ლში გარ­დაც­ვლი­ლი 19 აპ­რილს იპო­ვეს. მისი ცხე­და­რი სა­ცხოვ­რე­ბე­ლი სახ­ლი­დან დღეს გა­მო­ას­ვე­ნეს. მრევ­ლის ინ­ფორ­მა­ცი­ით, ის ერთ-ერთ დამ­კრძა­ლავ ბი­უ­რო­შია გა­დას­ვე­ნე­ბუ­ლი. ცხედ­რის გა­მოს­ვე­ნე­ბის დროს, კორ­პუს­თან ისევ ხმა­უ­რი იყო. შეკ­რე­ბი­ლე­ბი პო­ლი­ცი­ას რო­გორც სი­ტყვი­ე­რად, ისე ფი­ზი­კუ­რად და­უ­პი­რის­პირ­დნენ. ისი­ნი ბე­რის ცხე­დარ­თან მი­ახ­ლო­ე­ბას მო­ი­თხოვ­დნენ.

9 აპ­რი­ლის შემ­დეგ, ბერი ნი­კო­ლო­ზი ბი­ნი­დან არ გა­სუ­ლა. ბო­ლოს მას გა­და­ად­გი­ლე­ბა უჭირ­და და და­უძ­ლუ­რე­ბუ­ლი იყო. ვრცელ­დე­ბა ვი­დეო კად­რე­ბი, რო­მელ­შიც ჩანს, რომ მი­სულ ექიმს მრევ­ლი ბე­რის ბი­ნა­ში არ უშ­ვებს.

ამის თა­ო­ბა­ზე სო­ცი­ა­ლურ ქსელ­ში წერს მუ­სი­კო­სი დათო არჩვა­ძე.

"მალ­ხაზ ჯი­ნო­რია გახ­ლავთ ადა­მი­ა­ნი რო­მელ­მაც სიღ­რმი­სე­უ­ლად გა­მაც­ნო ჯერ ბერი გაბ­რი­ე­ლის და შემ­დეგ ბერი ნი­კო­ლო­ზის ფე­ნო­მე­ნი. ძა­ლი­ან იშ­ვი­ა­თად, მხო­ლოდ მალ­ხა­ზის მო­უხ­მობ­და ხოლ­მე თა­ვის­თან. ის იყო მალ­ხაზ ჯი­ნო­რი­ას ოჯა­ხის მო­ძღვა­რი, ვიდ­რე მდუ­მა­რე­ბის აღ­თქმას და­დებ­და და თა­ვად მახო არის უნაკ­ლო ადა­მი­ა­ნი, კომ­პო­ზი­ტორ თეა ჯი­ნო­რი­ას მე­უღ­ლე და ასეთ ახ­ლო­ბელ ადა­მი­ანს რომ არ შე­უშ­ვებ და ექიმს არ შე­აყ­ვა­ნი­ნებ, ექი­მი ხომ გა­და­არ­ჩენ­და. უამ­რა­ვი სას­წა­უ­ლი მაჩ­ვე­ნა ცხოვ­რე­ბა­ში. მამა ნი­კო­ლოზ­მა უსა­ზღვრო სიყ­ვა­რულს აფ­რქვევ­და თუნ­დაც ერთი გა­მო­ხედ­ვით და მო­წა­მებ­რი­ვად ცხოვ­რობ­და ბოლო 20 წელი ამ­ხე­ლა დევ­ნის და და­ცინ­ვის ფონ­ზე. მამა გაბ­რი­ელ­საც ასე დას­ცი­ნოდ­ნენ და არ უჯე­რებ­დნენ. უფა­ლო, აცხო­ნე მისი სპე­ტა­კი, ნა­წა­მე­ბი სული", - წერს მუ­სი­კო­სი.

დათო არჩვაძის გარდა, მომღერალი ნინი შერმადინიც ეხმაურება ბერი ნიკოლოზის გარდაცვალებას და წერს:

"ღმერთმა აცხოვნოს მისი სული! ამინ! 

სიტყვა “სალოსის” მნიშვნელობასაც დაგიწერთ სანამ იღლიცინებთ. მარტო უფალმა იცის ვინ რა ღვაწლში იყო, ჩვენ ჩვენ თავს მივხედოთ, ღმერთმა შეგვინდოს ჩვენი ცოდვები. ბერი ნიკოლოზის განკითხვით და ქილიკით თქვენ არაფერი მოგემატებათ...

სიტყვა სალოსი აღნიშნავს ადამიანს, რომელიც:  უარყოფს ამქვეყნიურ დიდებასა და პატივს. თავს იმდაბლებს უკიდურესად. ხშირად უცნაურად იქცევა, რათა ხალხის ქება არ მიიღოს. სიმართლის სათქმელად იყენებს არატრადიციულ გზას.

ღმერთთან განსაკუთრებული სულიერი კავშირი აქვს", - წერს მომღერალი.