უნგრეთის საგარეო საქმეთა მინისტრი პიტერ სიიარტო მოსკოვში, უნგრეთის დელეგაციის ვიზიტს გამოეხმაურა და კრიტიკოსებს უპასუხა. 

სიიარტოს თქმით, უნგრეთის პრემიერ-მინისტრ ვიქტორ ორბანსა და ვლადიმერ პუტინს შორის შეხვედრა „ბევრს არ ესმის, ბევრი ცდილობს მის არასწორად გაგებას ან არასწორ ინტერპრეტაციას“.

„და მე მინდა მათ მხოლოდ ერთი რამ ვუთხრა: უნგრეთი სუვერენული ქვეყანაა. უნგრეთს სუვერენული საგარეო პოლიტიკა აქვს. ეს არის საგარეო პოლიტიკა, რომელიც ეროვნულ ინტერესებს ეფუძნება, საგარეო პოლიტიკა, რომელშიც გადაწყვეტილებები ეროვნული ინტერესების შესაბამისად მიიღება“, - განაცხადა მან.

უნგრეთის საგარეო საქმეთა მინისტრმა დასძინა, რომ ბუდაპეშტი უკვე ცდილობს „ურთიერთპატივისცემაზე დაფუძნებულ თანამშრომლობას თურქეთთან, რომელიც დაბალანსებულია და უნგრეთის ენერგეტიკული უსაფრთხოების საფუძველს წარმოადგენს“.