მარნეულში ავტოსაგზაო შემთხვევას ერთი ადამიანი ემსხვერპლა. არსებული ინფორმაციით, ავტომობილი ქვეითს დაეჯახა, რის შედეგადაც ქალი ადგილზე დაიღუპა.

როგორც „ინტერპრესნიუსს" შსს-ში განუცხადეს, მომხდარზე გამოძიება სსსკ-ის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.