ბათუმში, ხიმშიაშვილის ქუჩაზე მდებარე ერთ-ერთ აპარტამენტში, სიმაღლიდან ვარდნის შედეგად კაცი გარდაიცვალა. შემთხვევა ცოტა ხნის წინ მოხდა.

ადგილზე მობილიზებული არიან სასწრაფო დახმარებისა და ექსპერტ-კრიმინალისტთა ჯგუფები.

შინაგან საქმეთა სამინისტროში განმარტავენ, რომ გამოძიება საქართველოს სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.