უკრაინის საჰაერო სივრცე სავარაუდოდ, უნგრულმა სადაზვერვო დრონებმა დაარღვიეს, – ამის შესახებ ინფორმაციას უკრაინის პრეზიდენტი ვოლოდიმირ ზელენსკი ავრცელებს.
„მთავარსარდალმა უკრაინა-უნგრეთის საზღვარზე დრონებთან დაკავშირებით ცოტა ხნის წინ მომხდარი ინციდენტის შესახებ მაცნობა. უკრაინულმა ძალებმა ჩვენი საჰაერო სივრცის დარღვევა დააფიქსირეს სადაზვერვო დრონების მიერ, რომლებიც სავარაუდოდ უნგრულია“, – წერს ვოლოდიმირ ზელენსკი სოციალურ ქსელ X-ზე.
ამასთან, უკრაინის პრეზიდენტი აღნიშნავს, რომ ყველა არსებული მონაცემის შემოწმების შესახებ ბრძანება უკვე გაცემულია.
მისივე თქმით, სამხედრო ბრიფინგზე აცნობეს, რომ დრონები შესაძლოა, უკრაინულ სასაზღვრო რაიონებში სამრეწველო პოტენციალის დაზვერვას აწარმოებდნენ.
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე