უნგრეთის საგარეო საქმეთა მინისტრი პიტერ სიიარტო სოციალურ ქსელში საქართველოს საგარეო უწყების ხელმძღვანელთან მაკა ბოჭორიშვილთან ნიუ-იორკში გამართულ შეხვედრას ეხმიანება და აღნიშნავს, რომ ოფიციალური ბუდაპეშტი საქართველოს დემოკრატიულ და წარმატებულ მთავრობას მხარს უჭერს.

„მიუღებელია, თუ როგორ ერევა ბრიუსელი საქართველოს შიდაპოლიტიკურ საქმეებში! უნგრეთი მხარს უჭერს საქართველოს დემოკრატიულ და წარმატებულ მთავრობას, ამიტომაც აქ, ნიუ-იორკში ჩემს კოლეგასთან მაკა ბოჭორიშვილთან ერთად ჩვენი პარტნიორობის განვითარებას ვაგრძელებთ“, - დაწერა სიიარტომ.