ჩვენ გავეცანით ტრენინგების მიმდინარეობის პროცესს, მოგეხსენებათ მთელი საქართველოს მასშტაბით მიმდინარეობს საუბნო საარჩევნო კომისიის წევრთა გადამზადების პროცესი, - განაცხადა ცენტრალური საარჩევნო კომისიის თავმჯდომარის მოადგილემ, გიორგი შარაბიძემ.

„ეს არის ძალიან მნიშვნელოვანი ეტაპი იმისთვის, რომ სწორად და კარგად მომზადებული საარჩევნო ადმინისტრატორები დახვდნენ ჩვენს ამომრჩევლებს 4 ოქტომბრის არჩევნებზე, რათა მათ შესთავაზონ მაღალი ხარისხის სერვისი", - აღნიშნა გიორგი შარაბიძემ.

ცესკოს თავმჯდომარე გიორგი კალანდარიშვილი, მოადგილე გიორგი შარაბიძესთან და ცესკოს სპიკერთან ნათია იოსელიანთან ერთად თელავის საოლქო საარჩევნო კომისიის მიმდინარე საქმიანობებს და მზადების პროცესს გაეცნო.