სამეგრელოში დედა-შვილს ავტომობილი დაეჯახა. "გურიანიუსის" ინფორმაციით, ავტოსაგზაო შემთხვევა ხობის მუნიციპალიტეტში, სოფელ ახალსოფელში მოხდა. 

მსუბუქი ავტომობილი ქვეითად მოსიარულე დედა-შვილს დაეჯახა. დაშავებულები სასწრაფო-სამედიცინო დახმარების ბრიგადამ კლინიკა "არქიმედეში" გადაიყვანა. არსებული ინფორმაციით, ერთ-ერთის მდგომარეობა მძიმეა.

,,სავარაუდოდ, ორი ავტომობილი შეეჯახა ერთმანეთს და მერე ერთ-ერთი დედა-შვილს დაეჯახა. ისინი სენაკში, “არქიმედეს” კლინიკაში გადაიყვანეს, შემდეგ, ერთ-ერთი დაშავებული - სხვა ქალაქში”, - განუცხადეს "გურიანიუსს".