კრემლის პრესსამსახურში ადასტურებენ, რომ აშშ-სა და რუსეთის პრეზიდენტებს შორის, სატელეფონო საუბრის გასამართად მზადება მიმდინარეობს.

„საუბარი მზადდება“, – განაცხადა დიმიტრი პესკოვმა.

მანამდე, აშშ-ის პრეზიდენტმა, დონალდ ტრამპმა სოციალურ ქსელში დაწერა, რომ 19 მაისს, ვაშინგტონის დროით 10:00 საათისთვის, ის ვლადიმერ პუტინთან საუბარს გეგმავს, რათა დაასრულოს სისხლისღვრა უკრაინის ომში. მისივე თქმით, ამის შემდეგ ის უკრაინის პრეზიდენტ ვოლოდიმირ ზელენსკისთნ და ნატო-ს სხვადასხვა ქვეყნის ლიდერებს გაესაუბრება.