დღეს პარლამენტში მესამე მოსმენით განიხილავენ გრანტების შესახებ კანონპროექტს. საპარლამენტო უმრავლესობის წევრი მარიამ ლაშხი აცხადებს, რომ სახელმწიფო გვერდში დაუდგება იმ ორგანიზაციებს, რომლებიც პირველ რიგში ქვეყნის და მოქალაქეების ინტერესებს ატარებენ.

„ვხედავთ ფაქტებს, როდესაც სხვადასხვა საგრანტო პროგრამები, რომლებიც იყო ქვეყნებში და რომელზეც ამერიკის შეერთებული შტატები საუბრობს, იყო მიმართული არა ქვეყნის და მოსახლეობის ინტერესებზე, არამედ ქვეყანაში არეულობის მოსაწყობად. სწორედ ამისგან და ქვეყნის ინტერესების დასაცავად ტარდება არაერთი რეფორმა“ - აღნიშნა ლაშხმა.