გიორგი მიქაუტაძე საფრანგეთის ლიგა 1-ის დეკემბერ-იანვრის თვის საუკეთესო გოლის ავტორად დასახელდა, – ასეთია გულშემატკივართა გამოკითხვის შედეგი.

გამოკითხვა საფრანგეთის ლიგა 1-ის ოფიციალურ გვერდზე გაიმართა, სადაც ლიონის „ოლიმპიკის“ ქართველ თავდამსხმელს კონკურენციას უწევდნენ მოსეს საიმონი („ნანტი“), ლუკას სტასინი („სენტ-ეტიენი“), აგუსტინ ბოაკი („სენტ-ეტიენი“) და მაგნეს აკლიუჩი („მონაკო“).

მიქაუტაძემ ეს გოლი ლიგა 1-ის მე-14 ტურის მატჩში „ანჟესთან“ გაიტანა. „ლიონმა“ შეხვედრა 8 დეკემბერს, გასვლაზე ჩაატარა, ხოლო გიორგიმ მეტოქის კარი ეფექტური შესრულებით აიღო.

შეგახსენებთ, რომ საფრანგეთის ჩემპიონატის ოქტომბრის საუკეთესო გოლის ავტორი ზურიკო დავითაშვილი გახდა.