"იუესადში" პირდაპირი წესით დასაქმებული ყველა თანამშრომელი ანაზღაურებად შვებულებაში გავა.  განცხადება ცოტა ხნის წინ ტრამპის ადმინისტრაციაში გაკეთდა.

პარალელურად, სახელმწიფო დეპარტამენტმა საერთაშორისო განვითარების სააგენტოს ყველა თანამშრომლის ამერიკაში დაბრუნებაზე მუშაობა დაიწყო.

"იუესადის" თანამშრომლების რიცხვი 10 000-ზე მეტია. პერსონალის მესამედი უცხოეთში მუშაობს. სააგენტო 60-ზე მეტ ქვეყანაში ოპერირებდა.