სოციალურ ქსელებში დამასკოში გადაღებული კადრები ვრცელდება - სირიელი აჯანყებულები ზეიმობენ. მათი თქმით, ბაშარ ასადმა დამასკო დატოვა. ინფორმაციას ადასტურებს სააგენტო "როიტერის" ორი წყაროც. მაღალჩინოსნების თქმით, ასადის თვითმფრინავი უცნობი მიმართულებით გაემგზავრა.

"ეს ბნელი ეპოქის დასასრული და ახლის დასაწყისია", – ამბობს ერთ-ერთი აჯანყებული.

ბაშარ ასადმა სირიის პრეზიდენტის თანამდებობა 2000 წლიდან დაიკავა. 1971 წლიდან ქვეყნის სათავეში მამამისი იყო.

ქვეყანაში სამოქალაქო ომი 13 წლის წინ დაიწყო.