მმართველი პარტიის ცენტრალურ ოფისში, პრეზიდენტობის კანდიდატთან დაკავშირებით, კონსულტაციები დასრულდა – “ქართულმა ოცნებამ” კანდიდატად მიხეილ ყაველაშვილი დაასახელა.

აღსანიშნავია, რომ პარლამენტის ოფიციალურ ვებგვერდზე ყაველაშვილის განათლების ველი ცარიელია. 1 წლის წინ IDFI-ის აღმასრულებელმა დირექტორმა, გიორგი კლდიაშვილმა საქართველოს პარლამენტს საჯარო წერილით მიმართა და დეპუტატის განათლების დამადასტურებელი დოკუმენტები ითხოვა.

კლდიაშვილისთვის გაგზავნილ წერილში, საკანონმდებლო ორგანო უთითებს, რომ დეპუტატს არ წარუდგენია განათლების დამადასტურებელი დოკუმენტები, შესაბამისად, ისინი მათთან არ ინახება.

რო­გორც ცნო­ბი­ლია, მიხეილ ყაველაშვილი 1989 წელს ჩა­ი­რი­ცხა თბი­ლი­სის სა­ხელ­მწი­ფო უნი­ვერ­სი­ტე­ტის ეკო­ნო­მი­კის ფა­კულ­ტეტ­ზე, თუმ­ცა მე­ო­რე კურ­სის შემ­დეგ სწავ­ლა შე­წყვი­ტა. ეს ცნო­ბი­ლი გახ­და 2015 წელს, რო­დე­საც ის ფეხ­ბურ­თის ფე­დე­რა­ცი­ის პრე­ზი­დენ­ტო­ბა­ზე ცდი­ლობ­და კენ­ჭის ყრას, თუმ­ცა წეს­დე­ბის თა­ნახ­მად ამის უფ­ლე­ბა არ მი­ე­ცა, რად­გან უმაღ­ლე­სი გა­ნათ­ლე­ბა არ ჰქონ­და. იმ­ხა­ნად ყა­ვე­ლაშ­ვი­ლი აცხა­დებ­და, რომ წეს­დე­ბა­ში ეს ცვლი­ლე­ბა შე­ი­ტა­ნეს იმის გამო, რომ მას არ მი­ე­ღო ფე­დე­რა­ცი­ის პრე­ზი­დენ­ტის არ­ჩევ­ნებ­ში მო­ნა­წი­ლე­ო­ბა.

აღნიშნულ საკითხს გამოეხმაურა "ქართული ოცნების" ლიდერი მამუკა მდინარაძემ და აღნიშნა, რომ  ეს არც ფორმალური და არც რეალური თვალსაზრისით პრობლემას არ წარმოადგენს. ძალიან ბევრი ქვეყნის კონსტიტუციით, პარლამენტის წევრებისა და პრეზიდენტის ცენზთან დაკავშირებულ საკითხებს შორის დიპლომი მოხსენიებული არ არის.

“ეს რაღაცას ხომ არ ნიშნავს? პარლამენტის წევრებისა და პრეზიდენტის მიმართ დიპლომს რომ არ ვითხოვთ, ამას თავისი საფუძველი აქვს და ეს მხოლოდ საქართველოს კონსტიტუციაში არ არის.

სამმართველოს უფროსის მოადგილის ცენზში შეიძლება ეწეროს მოთხოვნა მაგისტრის დიპლომზე, მაგრამ პრეზიდენტთან და პარლამენტის წევრთან დაკავშირებით არ ეწეროს - სწორედ ეს არის დემოკრატიული მიღწევა. პარლამენტის წევრს შეიძლება დიპლომი არ სჭირდებოდეს, მაგრამ უფრო მეტად სახალხო, ქვეყნის ერთგული და პროფესიონალი იყოს. აგერ, ორ-ორო დიპლომი რომ ჰქონდათ ჩვენ პრეზიდენტებს, ხომ ააშენეს ქვეყანა!  სამშობლოს სიყვარულს და სამშობლოს ერთგულებას დიპლომი არ სჭირდება“ - განაცხადა მამუკა მდინარაძემ.