ცენტრალურმა საარჩევნო კომისიამ საპრეზიდენტო არჩევნების ბიულეტენების 97 პროცენტზე მეტი უკვე დათვალა. მოქმედ პრეზიდენტს, მაია სანდუს მხარი ამომრჩეველთა 41.55 პროცენტმა დაუჭირა, ხოლო მოლდოვის ყოფილ გენერალურ პროკურორს, სოციალისტების მიერ მხარდაჭერილ ალექსანდრე სტოიანოგლოს – 26.51 პროცენტმა.

ფაქტია, რომ ხმების სრულად დათვლის შემდეგ აღნიშნული მონაცემები არ შეიცვლება და ვერც ერთი კანდიდატი ვერ მოაგროვებს 50 პროცენტზე მეტს, ამიტომ საპრეზიდენტო არჩევნების მეორე ტური 3 ნოემბერს გაიმართება.

რთული ვითარებაა ევროინტეგრაციისთვის გამართული სარეფერენდუმო კითხვასთან დაკავშირებით. ამ ნაბიჯი გადასადგმელად თანხმობა მხოლოდ 50,03 პროცენტმა განაცხადა, ხოლო 49,97 პროცენტი წინააღმდეგია.

საკონსტიტუციო რეფერენდუმზე მოქალაქეებს უნდა ეპასუხათ კითხვისთვის: „უჭერთ თუ არა მხარს კონსტიტუციის შეცვლას მოლდოვის ევროკავშირში გაწევრიანების მიზნით?“

ამომრჩეველს პასუხის ორი ვარიანტი ჰქონდა – „დიახ“ და „არა“.