წინასაარჩევნო კამპანიის ფარგლებში, "ძლიერი საქართველო" მოსახლეობას ხვდება - როგორც კოალიციის ლიდერმა, მამუკა ხაზარაძემ სიტყვით გამოსვლის დროს განაცხადა, თუ "ძლიერ საქართველოს" ექნება მომავალი მთავრობის ფორმირების შესაძლებლობა, მაშინ კოალიცია პარლამენტთან ერთად იმუშავებს, რომ ანაკლიის პროექტის ტენდერი ხელახლა გამოცხადდეს. 

მამუკა ხაზარაძის თქმით, ეროვნულ სტრატეგიულ ობიექტებთან დაკავშირებულ ტენდერებში მონაწილეობის მიღებას ვერ შეძლებენ დასავლელი პარტნიორების მიერ სანქცირებული კომპანიები - კორუფციის, გარემოს დაზიანების, დასაქმებულთა უფლებების დარღვევის თუ სხვა მსგავსი დარღვევების გამო.

თუ "ძლიერ საქართველოს" ექნება მომავალი მთავრობის ფორმირების შესაძლებლობა, აქ გათვალისწინებული იქნება კოალიციური შეთანხმების ელემენტი, რომ ყველა კოალიციური პარტნიორი მხარს დაუჭერს ბიუჯეტის პარამეტრების შეცვლას, რათა პენსიის 1,000 ლარამდე გაზრდა შესაძლებელი იყოს.

პირველი სამი კვირის განმავლობაში ჩვენ ხელახლა გამოვიტანთ საპარლამენტო კენჭისყრაზე ანაკლიის პორტის ტენდერის საკითხს და ავკრძალავთ ყველა დასავლეთის მიერ სანქცირებულ კომპანიას - მაგალითად, "ქართული ოცნების" მიერ მხარდაჭერის ჩინურ სახელმწიფო კომპანიას, რომელსაც კორუფციისა და სკანდალების მთელი ისტორია აქვს“ - აცხადებს მამუკა ხაზარაძე.