ისრაელის თავდაცვის ძალებში აცხადებენ, რომ სავარაუდოდ „ჰამასის“ ლიდერი იაჰია სინვარი მოკლეს. 

მათივე ინფორმაციით, სინვარი ღაზაში ერთ-ერთ შენობაში ისრაელელი სამხედროების მიერ მოკლული სამი ტერორისტიდან, სავარაუდოდ, ერთ-ერთია.

იაჰია სინვარი დაჯგუფება „ჰამასის“ ლიდერად გამოცხადდა თეირნში მისი წიამორბედის ისმაილ ჰანიეს მკვლელობის შემდეგ. მანამდე ის იყო ღაზის სექტორში დაჯგუფება „ჰამას“ ხელმძღვანელი. სინვარი ისრაელის მიერ ძებნილთა სიაში პირველ ადგილზე იყო.