აშშ-მა „ჰამასის“ მიერ ისრაელზე განხორციელებული თავდასხმიდან ერთი წლისთავთან დაკავშირებით „ჰამასს“ ახალი სანქციები დაუწესა.

აშშ-ის სახაზინო დეპარტამენტის განცხადებით, სანქციები დაუწესდა სამ პირს და ე.წ. საქველმოქმედო ორგანიზაციას, რომლებსაც „ჰამასის“ მნიშვნელოვან საერთაშორისო ფინანსურ მხარდამჭერებად მიიჩნევენ. ასევე სანქციები შეეხო ღაზაში მდებარე „ალ-ინტაჯ ბანკს“, რომელსაც, მათი თქმით, „ჰამასი“ აკონტროლებს.

ამასთან, სანქციები დაუწესდა „ჰამასის“ ხანგრძლივ მხარდამჭერს, იემენის მოქალაქეს, რომელიც თურქეთში ცხოვრობს და მის ცხრა ბიზნესს.