უკრაინის პრეზიდენტი, ვოლოდიმირ ზელენსკი და „რესპუბლიკური" პარტიის საპრეზიდენტო კანდიდატი, დონალდ ტრამპი ნიუ-იორკში შეხვდნენ ერთმანეთს.

დონალდ ტრამპმა განაცხადა, რომ მას ძალიან კარგი ურთიერთობა აქვს ზელენსკისთან და პუტინთან.

„ვფიქრობ, თუ გავიმარჯვებთ [საპრეზიდენტო არჩევნებში], ძალიან სწრაფად მოვაგვარებთ ამას [უკრაინაში მიმდინარე ომს]", - აღნიშნა აშშ-ის ყოფილმა პრეზიდენტმა.

ტრამპმა ასევე განაცხადა, რომ თავის სტრატეგიას უკრაინაში მიმდინარე ომის დასასრულებლად კაპიტულაციად არ მიიჩნევს.

„ეს არ არის კაპიტულაცია. ჩემი სტრატეგია სიცოცხლის გადარჩენაა. სიცოცხლის გადარჩენა მინდა. მილიონობით ადამიანი დაიღუპა", - აღნიშნა დონალდ ტრამპმა.