ჩვენი პარტია არის ზეგამჭვირვალე, ყოველთვის ვაბარებთ ანგარიშებს თავის დროზე და არაფერი კითხვა არ არის ჩვენს დაფინანსებაზე. კითხვა არის იმ კორუმპირებულ ადამიანებზე, ვინც ძარცვავს ქვეყანას ხალხის ხარჯზე და მათ 26 ოქტომბერს გაეცემა პასუხი, - ამის შესახებ „ერთიანობა - ნაციონალური მოძრაობის" ლიდერმა, გიორგი ვაშაძემ განაცხადა.

ვაშაძეს კითხვა დაუსვეს ანტიკორუფციული ბიუროს ხელმძღვანელის, რაჟდენ კუპრაშვილის განცხადებაზე, რომლის თანახმადაც, ბიუროს მიერ განხორციელებული მონიტორინგის შედეგად დადგინდა, რომ ოპოზიციური პარტიები დაფინანსებას სრულად ან ნაწილობრივ არ ასაჯაროებენ.