,,ახლა უკრაინის თავდაცვითი მოქმედებების მთავარი ამოცანაა, რაც შეიძლება მეტი რუსული სამხედრო პოტენციალის განადგურება და ბუფერული ზონის შექმნა აგრესორის ტერიტორიაზე" - ამის შესახებ უკრაინის პრეზიდენტმა, ვოლოდიმირ ზელენსკიმ ფრონტზე არსებულ ვითარებასთან დაკავშირებით ვიდეომიმართვაში განაცხადა.

მისი თქმით, უკრაინელი დამცველები ყველაფერს აკეთებენ თავიანთი პოზიციების შესანარჩუნებლად.

დღეისთვის კარგი, ჩვენთვის საჭირო შედეგებია ტორეცკის მახლობლად რუსული ტექნიკის განადგურებაში და ეს ყველაფერი უფრო მეტია, ვიდრე უკრაინის დაცვა, ეს არის მთლიანობაში ჩვენი თავდაცვითი მოქმედებების მთავარი ამოცანა - რაც შეიძლება მეტი რუსული პოტენციალის განადგურება და კონტრშეტევითი სამუშაოების მაქსიმუმი. კურსკის რეგიონში ჩვენი ოპერაციის ამოცანაა ბუფერული ზონის შექმნა აგრესორის ტერიტორიაზე,"-  განაცხადა ზელენსკიმ.

ცნობისთვის, რუსეთის კურსკისა და ბელგოროდის ოლქებზე უკრაინა 6 აგვისტოდან შეტევას ახორციელებს. მეტიც, კურსკის ოლქში უკრაინელები უკვე ასეულობით დასახლებას აკონტროლებენ.