თბილისში, მუხრან მაჭავარიანის ქუჩაზე ავტომობილი მოპედით მოძრავ კურიერს დაეჯახა - ამის შესახებ ინფორმაციას Facebook გვერდი, "ჩემი ქალაქი მკლავს" ავრცელებს და წერს, რომ შემთხვევა გუშინ ღამით, 23:00 საათზე მოხდა.

არსებული ცნობებით, ავარიას მსხვერპლი არ მოჰყოლია, თუმცა მოპედის მძღოლი მძიმედ დაშავდა. ირკვევა, რომ კურიერს შინაგანი ორგანოები დაუზიანდა, რის გამოც თბილისის ცენტრალურ საავადმყოფოში გადაიყვანეს, სადაც ოპერაცია ჩაუტარდა.