საქართველოს პრეზიდენტი ოლიმპიელების დაჯილდოებასთან დაკავშირებით "ქართული ოცნების" გადაწყვეტილებას აკრიტიკებს, სალომე ზურაბიშვილის თქმით, ოლიმპიელების მიღება და დაჯილდოება დღეს 15 აგვისტოს, ნაჩქარევად არ უნდა გაიმართოს, როგორც მთავრობას აქვს გადაწყვეტილი.

"ეს არის ის საკითხი, რომელიც აერთიანებს ქვეყანას და არა ჩაკეტილ სივრცეში, არამედ სახალხო ზეიმი უნდა იყოს. მეორე საკითხია, რომ პარაოლიმპიადა იწყება ახლა და გრძელდება 8 სექტემბრამდე. ყველას ერთად მივიღებთ სექტემბერში" - განაცხადა სალომე ზურაბიშვილმა.