რუსეთში, ნიჟნი ტაგილში, საცხოვრებელი კორპუსის სადარბაზოს სრულად ჩამონგრევის შედეგად, სულ მცირე 6 პირი დაიღუპა, მათ შორის ერთი ბავშვია. კორპუსის ჩამონგრევა გაზის აფეთქებამ გამოიწვია.

მაშველები ძებნა- შველის ოპერაციას ამ დრომდე აწარმოებენ. ისინი ნანგრევებში 3 ადამიანს ეძებენ, რომელთა ადგილსამყოფლის დადგენა ამ დრომდე ვერ ხერხდება.

შემთხვევის შედეგად 21 ადამიანი დაშავდა, მათ შორის, 10 ბავშვია. ეკატერინბურგისა და ნიჟნი ტაგილის საავადმყოფოებში 11 პაციენტი რჩება, მათ შორის 5 ბავშვი.

ნიჟნი ტაგილში, გაზის აფეთქების შედეგად, 5 სართულიანი საცხოვრებელი კორპუსის 2 სადარბაზო სრულად ჩამოინგრა. აფეთქების ეპიცენტრი მესამე სართულზე მდებარე ერთ-ერთ ბინაში იყო.

საქმეზე მიმდინარეობს გამოძიება.