ოკუპირებული აფხაზეთის გაგრის რაიონში საგზაო-სატრანსპორტო შემთხვევას მსხვერპლი მოჰყვა. ამის შესახებ „ეხო კავკაზა" იუწყება.

დაშავებულია 5 ადამიანი, რომლებსაც სამედიცინო დახმარება დასჭირდათ. დე ფაქტო შს მინისტრის რობერტ კიუტის თქმით, აფხაზეთში საგზაო-სატრანსპორტი შემთხვევების მუდმივი მატება შეინიშნება.

ასევე, 2024 წლის 6 თვის მონაცემებით, ოკუპირებულ აფხაზეთში 70 მძიმე საგზაო-სატრანსპორტო შემთხვევა მოხდა, რომლებშიც 20 ადამიანი დაიღუპა და 84 დაშავდა.

როგორც რობერტ კიუტმა განაცხადა, ავარიების დიდი ნაწილი იმის გამო ხდება, რომ მძღოლები ავტომობილს არაფხიზელ მდგომარეობაში მართავენ.