ოკუპირებული აფხაზეთის მკვიდრი დიანა კვეკვესკირი სოჭის სასამართლომ ექსტრემისტული სიმბოლოების დემონსტრირებაში დამნაშავედ ცნო, რაც სოციალურ ქსელში ლგბტქ+ დროშიანი პოსტის გამოქვეყნებაში გამოიხატა. აღნიშნულის შესახებ ინფორმაციას რადიო თავისუფლების პროექტი kavkaz.realii იტყობინება.

ამავე ცნობით, სტუდენტს 10-დღიანი პატიმრობა მიესაჯა.„კვეკვესკირმა სოციალურ ქსელ VKontakte-ში გამოაქვეყნა „ლგბტ საერთაშორისო საზოგადოებრივი მოძრაობისა და მისი სტრუქტურული დანაყოფების სიმბოლოები", - აღნიშნულია ოქმში.

სასამართლოში კვეკვესკირმა განმარტა, რომ ფოტო ადრე გამოაქვეყნა, როცა მუსიკით იყო დაინტერესებული.

კვეკვესკირი აფხაზეთის სახელმწიფო უნივერსიტეტის ფილოლოგიურ ფაკულტეტზე სწავლობდა და საზოგადოებრივი ორგანიზაციის, „პრომოუშენის" ხელმძღვანელი იყო.