ევროპის ჩემპიონატზე თამაშის შემდეგ საქართველოს ნაკრების ფეხბურთელების ფასმა მოიმატა, მოთამაშეთა ჯამური ღირებულება (რომელიც 161,05 მილიონი იყო) 24,05 მილიონი ევროთი გაიზარდა და 185,10 მილიონი გახდა - განახლებული ინფორმაცია „ტრანსფერმარკტმა" გამოაქვეყნა.

ახალი მონაცემებით გიორგი მამარდაშვილის ფასი 45 მილიონი ევრო გახდა (იყო 35 მილიოინი) და ის მსოფლიოს ყველაზე ძვირად ღირებული მეკარეა, გიორგი მიქაუტაძის ფასმა კი 15-დან 20 მილიონამდე მოიმატა.

ასევე გაზარდა გიორგი ქოჩორაშვილის (ერთი მილიონიდან - 2,5 მილიონამდე), ლაშა დვალის (900 ათასიდან 1,5 მილიონამდე) და ოთარ კაკაბაძის (600 ათასიდან 1 მილიონამდე) სატრანსფერო ღირებულებები.