პარლამენტმა საზოგადოებრივი მაუწყებლის სამეურვეო საბჭოს სამი წევრი: იზაბელა ოსიპოვა, სოსო სტურუა და გიორგი იაკობაშვილი აირჩია.

იზაბელა ოსიპოვას კანდიდატურას(წარდგენილია სახალხო დამცველის მიერ) 80-მა დეპუტატმა დაუჭირა მხარი, სოსო სტურუას კანდიდატურას (წარდგენილია აჭარის ავტონომიური რესპუბლიკის უმაღლესი საბჭოს მიერ) 80-მა დეპუტატმა დაუჭირა მხარი, ხოლო გიორგი იაკობაშვილის კანდიდატურას(წარდგენილია საპარლამენტო ფრაქცია „ქართული ოცნების" მიერ) 79-მა დეპუტატმა დაუჭირა მხარი.