უნგრეთი საქართველოს წინააღმდეგ რაიმე ზომების დაწესების მომხრე არ არის, - განუცხადა „ქრონიკას" ევროკავშირის ოფიციალურმა პირმა ლუქსემბურგში მიმდინარე მინისტერიალზე.

„საქართველოს საკითხის განხილვა დასრულდა: მოქმედი ხელისუფლებისა და მათი ქმედებების მკაცრი და აბსოლუტური დაგმობა. თუმცა, უნგრეთი არ არის [საქართველოს წინააღმდეგ] რაიმე ზომების [დაწესების] მომხრე. [თუმცა] ჩვენ მაინც შეგვიძლია შემოვიღოთ ზომები, რომელიც არ საჭიროებს ერთსულოვნებას", - აღნიშნა ევროკავშირის ოფიციალურმა პირმა.

ლუქსემბურგში, ევროპის საბჭოს საგარეო საქმეთა მინისტერიალი მიმდინარეობს. დისკუსია გაიმართა საქართველოზეც. იმსჯელეს იმ ზომებზე, რომლებიც ევროპამ გამჭვირვალობის კანონის მიღების გამო უნდა გაატაროს. დოკუმენტი ევროპელ ლიდერებს გადაეცემა.