დღეს, 10 ივნისს, სოფელ კლდესთან ავტოსაგზაო შემთხვევა მოხდა. თვითმხილველების ინფორმაციით, „ჰონდას" მარკის მსუბუქი ავტომობილი ტრაილერს დაეჯახა. დაშავებულია ახალგაზრდა კაცი, მის სიცოცხლეს საფრთხე არ ემუქრება.

სასწრაფო სამედიცინო დახმარების ჯგუფმა დაშავებული ახალციხის კლინიკა „იმედში" გადაიყვანა. კლინიკის ინფორმაციით, იგი ექიმების ზედამხედველობის ქვეშ არის და კლინიკური კვლევები უტარდება.