„გადადგა ბელგიის ლიბერალი პრემიერ-მინისტრი ლგბტ-ს დროშის ფონზე, დამარცხებულმა მაკრონმა სხვა ვერაფერი მოიფიქრა - საპარლამენტო კრიზისის რეჟიმი გამოაცხადა და ვადამდელი არჩევნები დანიშნა. ქალაქ ჩუნცინის ვიცე-მერის ფავორიტი ოლაფ შოლცი კი ფაქტიურად გაქრა ქვეყნის პოლიტიკური რადარებიდან. ამ ეტაპზე ევროპარლამენტის საბოლოო კონფიგურაციაში, ნორმალური საზოგადოებების წარმომადგენლებმა შესაძლოა უმრავლესობა მაინც ვერ მოიპოვონ და მხოლოდ „ჩააჩოჩონ" ლიბერალური ფრაქციები”,- ამის შესახებ “ხალხის ძალის” წევრი დავით ქართველიშვილი სოციალურ ქსელში წერს.

თუმცა, მისივე თქმით, ეს აღარ იქნება პასიური და სასოწარკვეთილი კონსერვატიული უმცირესობა, რადგანაც მათ უკან საკუთარ ქვეყნებში მემარჯვენე უმრავლესობა იდგება, რომელიც ახალ, საკუთარი თავებისა და ტრადიციების მაძიებელ მთავრობებს ჩამოაყალიბებს და მოემზადება იმისთვის, რომ უკვე მომავალ ევროპარლამენტში საბოლოოდ დაასრულონ ლიბერალური ფაშიზმის ჭაობის სამელიორაციო პროცესები.

„დღეს სლოვაკეთი ან უნგრეთი ჯერ რომ არ ყოფილიყვნენ EU-ს წევრი-ქვეყნები, მოლდოვა და უკრაინა მათზე წინ იქნებოდნენ ევროინტეგრაციის გზაზე, ხოლო ამასთანავე NATO-ს წევრებიც რომ არ ყოფილიყვნენ, მათ რა თქმა უნდა, ალბანეთი გაასწრებდა. ნელ-ნელა ამ ორგანიზაციებში მიღების კრიტერიუმები ერთი ერთში დაამსგავსეს „ევროვიზიის" კონკურსში გამარჯვებულის გამოვლენისა ან კინემატოგრაფიაში იგივე „ოსკარის“ მინიჭების პრაქტიკას ბოლო წლებში.

უკვე გადადგა ბელგიის ლიბერალი პრემიერ-მინისტრი ლგბტ-ს დროშის ფონზე, დამარცხებულმა მაკრონმა სხვა ვერაფერი მოიფიქრა - საპარლამენტი კრიზისის რეჟიმი გამოაცხადა და ვადამდელი არჩევნები დანიშნა. ქალაქ ჩუნცინის ვიცე-მერის ფავორიტი ოლაფ შოლცი კი ფაქტიურად გაქრა ქვეყნის პოლიტიკური რადარებიდან.

მიუხედავად ამ ყველაფრისა, ამერიკის უცნაური საარჩევნო სისტემისა არ იყოს, ამ ეტაპზე ევროპარლამენტის საბოლოო კონფიგურაციაში, ნორმალური საზოგადოებების წარმომადგენლებმა შესაძლოა უმრავლესობა მაინც ვერ მოიპოვონ და მხოლოდ „ჩააჩოჩონ" ლიბერალური ფრაქციები.

მაგრამ ეს უკვე აღარ იქნება პასიური და სასოწარკვეთილი კონსერვატიული უმცირესობა, რადგანაც მათ უკან საკუთარ ქვეყნებში მემარჯვენე უმრავლესობა იდგება, რომელიც ახალ, საკუთარი თავებისა და ტრადიციების მაძიებელ მთავრობებს ჩამოაყალიბებს და მოემზადება იმისთვის, რომ უკვე მომავალ ევროპარლამენტში საბოლოოდ დაასრულონ ლიბერალური ფაშიზმის ჭაობის სამელიორაციო პროცესები”,- წერს დავით ქართველიშვილი.