დასავლეთ საქართველოში, რაჭის რეგიონში კიდევ ერთი მიწისძვრა მოხდა. მისმა მაგნიტუდამ 3,9 შეადგინა. ინფორმაციას სეისმური მონიტორინგის ცენტრი ავრცელებს. ეპიცენტრი ქალაქ ონის სამხრეთით, სოფელ ცხმორთან მდებარეობდა. მიწისქვეშა ბიძგები ადგილობრივი დროით 08:06 საათზე დაფიქსირდა.

ცნობისთვის, 4 ივნისს რაჭის რეგიონში 5,3 მაგნიტუდის მიწისძვრა მოხდა, რამაც შენობების დაზიანება გამოიწვია.