სლოვაკეთის პრემიერ-მინისტრმა, რობერტ ფიცომ იმედი გამოთქვა, რომ მოვალეობის შესრულებას თვის ბოლოს ან ივლისში დაუბრუნდება. ინფორმაციას ამის შესახებ სააგენტო Bloomberg-ი ავრცელებს.

რობერტ ფიცომ აღნიშნა, რომ დარწმუნებულია, რომ მსროლელი მარტო არ მოქმედებდა და ეს ნაბიჯი გადადგა პოლიტიკური სიძულვილის გამო, რომელმაც ქვეყანა გახლიჩა.

სლოვაკეთის პრემიერ-მინისტრ რობერტ ფიცოს 15 მაისს ცეცხლი გაუხსნეს, ის ჰოსპიტალიზებულია.

ინციდენტი ბრატისლავიდან 180 კილომეტრში, ქალაქ ჰანდლოვაში, სამთავრობო შეხვედრის შემდეგ მოხდა. თავდამსხმელი დაკავებულია.