„ერთიანი ნაციონალური მოძრაობის“ საგარეო მიმართულების მდივანი ზურაბ ჭიაბერაშვილი სალომე ზურაბიშვილის რეფერენდუმის იდეას ეწინააღმდეგება და საგანგებო მიმართვას ავრცელებს:

„1. რეფერენდუმი ტარდება საქართველოს მთელ ტერიტორიაზე. რადგან საქართველოს ტერიტორიების 20% ოკუპურებული აქვს რუსეთს 1990-93 წლების ომების შედეგად, 2008-შიც – აგვისტოს ომამდე! – ჩატარდა პლებისციტი და არა რეფერენდუმი;

2. პლებისციტი ჩატარებულია 2008 წელს. ხალხის ნება გამოხატულია;

3. კონსტიტუციაში უკვე წერია 78-ე მუხლი;

4. საქართველოს უკვე აქვს ევროკავშირის წევრობის კანდიდატი ქვეყნის სტატუსი;

5. ანუ მე-2-3-4 პუნქტების რევიზიას ვიწყებთ? ვის აწყობს ეს?“ – წერს ზურაბ ჭიაბერაშვილი.

საქართველოს პრეზიდენტმა, სალომე ზურაბიშვილმა გუშინ ბრიფინგზე განაცხადა, რომ ახლა უნდა მომზადდეს რეფერენდუმი, საქართველოს სურს ევროპული თუ რუსული მომავალი.