სომხეთში ძლიერი წყალდიდობის შედეგად, სულ მცირე, სამი ადამიანი დაიღუპა. დატბორილია სოფლები. ერთ-ერთ რეგიონში ჩამოინგრა 2 ხიდი, დაინგრა 3 საცხოვრებელი სახლი, დაიტბორა 45 სახლი და ორი სასტუმრო. სომხეთის სხვადასხვა დასახლებიდან ასობით ადამიანის ევაკუაცია განხორციელდა. სამაშველო სამუშაოები ამ დრომდე გრძელდება. სტიქიის ზონაში სომხეთის პრემიერ-მინისტრი ნიკოლ ფაშინიანი ჩავიდა.