საქართველოს პრემიერ-მინისტრი ირაკლი კობახიძე საქართველოს მოსახლეობას საქართველოს საფეხბურთო ნაკრების ევროპის ჩემპიონატზე გასვლას ულოცავს.

„გილოცავთ, საქართველოს ნაკრები ევროპის ჩემპიონატზე იასპარეზებს“, - წერს პრემიერი „ფეისბუქის“ გვერდზე.

საქართველოს ნაკრებმა პენალტების სერიაში საბერძნეთის ნაკრები დაამარცხა და პირველად ისტორიაში ევროპის ჩემპიონატზე გავიდა.