„ოჯახურ ღირებულებათა და არასრულწლოვანთა დაცვა უზრუნველყოფილია საქართველოს კონსტიტუციური კანონით, რომელიც საქართველოს კონსტიტუციის განუყოფელი ნაწილია"- „ქართულმა ოცნებამ" ლგბტ პროპაგანდის საწინააღმდეგო ინიციატივები წარადგინა.

ვის აქვს არასრულწლოვნის შვილად აყვანის ან მინდობით აღზრდის შესაძლებლობა, დასაშვებია თუ არა სქესის შეცვლა ქირურგიული ჩარევით - ეს წარმოდგენილი კანონპროექტის 8 მუხლის ნაწილია.

ოპოზიცია, რომელიც ინიციატივის დაანონსებიდან 2 კვირის განმავლობაში დუმდა, წინააღმდეგობას აღარ მალავს. მათი მხარდაჭერა საკონსტიტუციო ცვლილებებს ნამდვილად სჭირდება, თუმცა კანონს მმართველი გუნდი კონსტიტუციური უმრავლესობის გარეშეც მიიღებს.