პოლონეთის მთავრობამ ქვეყნის წინა ხელისუფლების მიერ დანიშნული 50-ზე მეტი ელჩი თანამდებობებიდან გაათავისუფლა. ამის შესახებ Politico წერს.

„მთავრობა მიიჩნევს, რომ პოლონეთის ელჩების შეცვლა აუცილებელია იმისთვის, რომ ქვეყნის საგარეო პოლიტიკის წინაშე არსებული გამოწვევები უფრო პროფესიონალურად გადაიჭრას", - აღნიშნულია საგარეო საქმეთა სამინისტროს განცხადებაში.

ამ გადაწყვეტილებას პოლონეთის პრემიერ-მინისტრმა, დონალდ ტუსკმაც დაუჭირა მხარი. მისივე თქმით, „ეს არ არის შურისძიება, უბრალოდ საჭიროა ჩამოყალიბდეს გუნდი, რომელიც პოლონური სახელმწიფოს მიმართ ლოიალური იქნება".